Thursday, December 9, 2010

happy birthday ခ်စ္သူ


ဇူလိုင္လရဲ့မိုးေရစက္တို့ေအာက္မွာ..ခ်စ္သူ့ေမြးေန့ကိုေရာက္ခဲ့ျပန္ပါျပီ
“ေပ်ာ္ရႊင္စရာေမြးေန့မဂၤလာျဖစ္ပါေစ”
အနားမွာမရွိေတာ့တဲ့ခ်စ္သူအတြက္..ကၽြန္မဆုေတာင္းေပးျမဲျဖစ္ပါသည္။ ဒီလိုေန့ရက္မ်ိဳးမွာ..ခ်စ္သူကိုေပ်ာ္ရႊင္ေနေစခ်င္ပါသည္။ထားခဲ့ရက္သူကို..တမ္းတစိတ္ေၾကာင့္ သက္ျပင္းတစ္ခါရွူိက္မိတိုင္း..စူနစ္နာက်င္ရေပမယ့္..
ကၽြန္မခ်စ္သူကိုေတာ့..အမွန္တကယ္ေပ်ာ္ရႊင္ေနေစခ်င္ပါသည္။
ကၽြန္မကေတာ့…
ညွိဳ့မွူိင္းအံု့ဆိုင္းေနေသာ..မိုးတိမ္သားမ်ားကိုၾကည့္ျပီး..လြမ္းသည္…
အညွိဳးတႀကီးရြာေနေသာ..မိုးေရစက္မ်ားကိုၾကည့္ၿပီး…လြမ္းသည္…
မိုးေရစက္တို့ခိုတြဲေနသာ…သစ္ရြက္စိမ္းစိုစိုတို႕ကိုၾကည့္ျပီးေတာ့လည္း..လြမ္းေနမိပါသည္…
“သူမ်ားခ်စ္သူေတြက..ေသးေသးေကြးေကြးေလးဆိုေတာ့..rain coat
ထဲေကာက္ထည့္သြားလို့ရတယ္..ကၽြန္ေတာ့ခ်စ္သူကိုေတာ့..rain coat
ထဲထည့္သြားဖို့မလြယ္ဘူး. ..ထီးႀကီးႀကီးေတာ့၀ယ္ထားမွ“
ဟု ရႊတ္ေနာက္ေနာက္ေျပာခဲ့ဖူးေသာ..ခ်စ္သူသည္..ယခုႏွစ္မိုးရာသီတြင္..သူ၀ယ္ထားေသာထီးႀကီးႀကီးႏွင့္႕… ဘယ္သူ႕ကိုမ်ားေဆာင္းေပးေနမွာပါလိမ့္…
ကၽြန္မကေတာ့..လူတစ္ကိုယ္စာလံုေလာက္ေသာေခါက္ထီးကေလးႏွင့္..မိုးေရထဲမွာ..တစ္ေယာက္တည္းလမ္းေလွ်ာက္ဆဲျဖစ္ပါသည္။

ေလျပင္းတို့သည္ ရြာမေယာင္ျပေသာ..မိုးတိမ္သားတို့ကိုလြင့္ေမ်ာေပ်ာက္ကြယ္သြားေစႏိုင္ေသာ္လည္း.. အတိတ္ကိုေတာ့မေပ်ာက္ကြယ္ေစႏိုင္ပါ။

“အိပ္မက္မွမဟုတ္ခဲ့ဘဲကြယ္”

ကၽြန္မရဲ့လုပ္ငန္းခြင္ထဲကစိတ္ဖိစီးမႈေတြကို..သူကႏွစ္သိမ့္ေပးခဲ့သလို သူရဲ့သင္ခန္းစာေတြနဲ့မြန္းက်ပ္မႈေတြကို..ကၽြန္မကေဖးမကူညီခဲ့ဖူးသည္။

အိမ္ျပန္ခ်ိန္ေနာက္က်တတ္တဲ့.ကၽြန္မအတြက္.သူကစိတ္မခ်တတ္ခဲ့သလို ဆိုင္ကယ္ျမန္ျမန္ေမာင္းတတ္တဲ့ သူ့အတြက္ ကၽြန္မက စိုးရိမ္ေနခဲ့ဖူးသည္။

လွပခဲ့ေသာအတိတ္တြင္..အတူသြားခဲ့ေသာေနရာမ်ား၊ ေပ်ာ္ရႊင္ၾကည္ႏူးခဲ့ေသာညေနခင္းေလးမ်ား…

“ကံတရားကရက္စက္လြန္းလွတယ္ကြယ္”

ခ်စ္သူကိုအျပင္မတင္ရက္ေသာအခါ ကံၾကမၼာ ကိုသာအျပစ္တင္မိပါေတာ့သည္။

ခြဲခြါျခင္းသည္ က်န္ခဲ့သူကိုေရာ..ခ်န္ခဲ့သူကိုပါ..နာက်န္ေစႏိုင္သည္ဟုဆိုေသာ္လည္း အေျခအေနမတူသူႏွစ္ေယာက္အဖို့ေတာ့…ခံစားခ်က္ျခင္းလည္း..ဘယ္လိုနည္းနဲ့မွမတူညီပါ။

စိတ္ကူးထဲမွာမွီႏြဲ႕ခဲ့ဖူးေပမယ့္ အျပင္မွာတစ္ခါမ ွမမွီႏြဲ႕ခဲ့ဖူးေသာ.ခ်စ္သူပခံုးေဘးမွာ.. ကၽြန္မမဟုတ္ေသာ အျခားတစ္ေယာက္အစားထိုးေရာက္ရွိေနႏိုင္ပါသည္။

သူ့အခန္းထဲမွာကပ္ထားသည္ဆိုေသာ ကၽြန္မရဲ့ဓါတ္ပံုမ်ားေနရာတြင္ အျခားတစ္ေယာက္၏ ဓါတ္ပံုမ်ားေနရာယူထားႏိုင္ပါသည္။

ဟက္ဟက္ပက္ရယ္ေမာတတ္ေသာ မိန္းကေလးတစ္ေယာက္အစား သိမ္ေမြ႕စြာျပံဳးရယ္တတ္သူေလး တစ္ေယာက္ အစားထိုးေရာက္ရွိႏိုင္ပါသည္။

တစ္ခါတစ္ရံမွာေတာ့..ခ်စ္ခဲ့မိပါသည္ဆိုေသာ မိန္ကေလးတစ္ယာက္ကိုသတိရေကာင္း သတိရမိႏိုင္ပါသည္။ စလင္းဒီယြန္ရဲ့ To love you more သီခ်င္းသံကိုၾကားမိတဲ့အခါ၊ စေတာ္ဘယ္ရီေဖ်ာ္ရည္ေသာက္တဲ့အခါ၊ မိုးေရထဲမွာလမ္းေလွ်ာက္ထြက္တဲ့အခါ…

ဘာပဲျဖစ္ျဖစ္ေနာက္တစ္ေယာက္ရဲ့ရင္ခြင္မွာ ခ်စ္သူေပ်ာ္ရႊင္ေနေစခ်င္ပါသည္။

“ကြန္ဂရက္က်ဴေလးရွင္း“

တကယ္လို့မ်ား …မိတ္ဆက္ေပးလာခဲ့လွ်င္ ခ်စ္သူ့ေဘးနားက မိန္းကေလးကို အၾကည္လင္ဆံုးျပံဳးျပႏႈတ္ဆက္ႏိုင္ဖို့ ၾကိဳတင္ျပင္ဆင္ထားရပါအံုးမည္။အခ်ိန္နဲနဲေတာ့ရေသးတယ္ မဟုတ္လားကြယ္။

No comments:

Post a Comment

ငါအချိန်တိုင်းစဉ်စားနေတာ....
မင်းရဲ့အကြောင်းတွေ......
အိပ်မရတဲ့ငါရဲ့အမှောင်ညတွေမှာ
မင်းပုံရိပ်တွေနဲ့ပဲငါအဖေါ်ပြုနေခဲ့တာ...
ခံစားဖို့သက်သက်ကြီးပဲလား...
နင်ပျော်မြူးနေတဲ့အချိန်လေးတွေကိုငါမြင်တိုင်း.....
ငါရင်ထဲမှာအရာရာကိုမေ့ပျောက်သွားတယ်..
နင်စိတ်ညစ်နေတဲ့အခိုက်မှာ
ငါအရာအားလုံးနဲ့ဆန့်ကျင့်ဘက်ဖြစ်သွားတယ်
ဒါမဖြစ်သင့်ဘူလို့ထင်ပေမဲ့
ငါစိတ်ကမင်းရဲ့ဆီမှာအမြဲရောက်နေခဲ့တာ....
ဘာတတ်နိုင်မလဲ..အရာအားလုံးနဲ့ငါ.......
ဆန့်ကျင့်ပြီးနေနိုင်တယ်......
ဒါပေမဲ့မင်းရဲ့အပြုံးတွေဝေးမှာကိုတော့
ငါအရမ်းကြောက်တယ် ချစ်သူရယ----
အရာအားလုံးဟာ ပြီးဆုံးခဲ့တယ်
ဆိုပေမဲ့ ငါ့ရင်ထဲမှာ
အရာအားလုံးဟာ မနေ့တစ်နေ့ကလိုပါပဲ
ချစ်သူရယ်....

မင်းရဲ့ ရယ်မော လှောင်ရီသံတွေ
ကြားမှာ ငါဟာ ကျိန်စာသင့်နေတဲ့
သူတစ်ယောက်လို ဆွံအခဲ့ရတယ်
ချစ်သူ................

တခြားရင်ခွင်မှာ ပျော်နေတဲ့မင်းကို
ငါက မင်းပျော်နေလားလို့
မေးတော့ ဒီလိုပါပဲလို့ မင်းပြောခဲ့တယ်နော်
အခု သစ္စာမရှိတဲ့မင်းကို
စောင့်မျှော်နေတဲ့ငါ့အတွက် ဘယ်သူ့ကို မေးမေး
ငါ့ ကို အရူးလို့ပဲ ပြောကြမှာပါပဲ
ချစ်သူရယ်..........

နောက်ဆုံး ငါ့အပေါ်အနစ်နာခံတဲ့
ချစ်သူတစ်ယောက်ကို ငါရခဲ့ပါတယ်
ငါ့ရဲ့ တန်ပြန်တဲ့ သက်ရောက်မှုကို
ငါ ခံစားရတယ်လို့ပဲ ငါသတ်မှတ်ပါတယ်
ချစ်သူ......

အဲဒီအချိန်မှာပဲ မင်းငါ့ကို
ပြန်ဆက်သွယ်လာတယ်....
ငါမေးခဲ့သလိုပဲ မင်းငါ့ကိုမေးလာတယ်
မင်းပျော်နေလားတဲ့
ငါမင်းကို ပြန်ဖြေခဲ့တယ်
" ဒီလိုပါပဲ" လို့.............................

အရာအားလုံးဟာ တစ်ကယ်ပဲ
ပြီးဆုံးသွားခဲ့ပါပြီ......ချစ်သူရယ်....
မင်းနဲ့ ငါ ဟာ အဝေးဆုံးကို
ရောက်မှန်းမသိ ရောက်ခဲ့ရပြီပဲ ချစ်သူ...............................................